not working
Եվրոպական ստանդարտներ, որակյալ կրթություն
1. Հայկական և եվրոպական կրթական ծրագրերի զուգակցում միջազգային չափանիշների համաձայն:
2. Նորագույն կրթական տեխնոլոգիայի ներդրում:
3. Անգլերենի խորացված ուսուցում
Հաշվապահություն - 3 տարի
Մենեջմենթ - 3 տարի
Ծրագրավորում - 4 տարի
Ցացներ - 4 տարի
Տուրիզմ - 4 տարի
Թարգմանչություն - 4 տարի
Քոլեջի լավագույն շրջանավարտներն առանց ընդունելիության քննությունների կարող են շարունակել Եվրոպական համալսարանում։ Լավագույն ուսանողներին հնարավորություն է տրվում ուսումնական պրակտիկան անցնել Եվրոպայի մի շարք քոլեջներում
Այս քոլեջից հետո լավ ուսանողները հեշտությամբ կարողանում են հասնեն մեծ հաջողությունների իրենց կյանքում: Այս խմբում կարող եք լինել նաև դուք ;)
1.1.1. «Հայաստանում եվրոպական քոլեջ» հիմնադրամը (այսուհետ` Քոլեջ) ոչ առևտրային միջին մասնագիտական կրթական ծրագրեր իրականացնող կազմակերպություն է, որը հիմնադրվել է հիմնադրի 2006թ. փետրվարի 20-ին կայացրած որոշմամբ` Հայաստանի Հանրապետության քաղաքացիական օրենսգրքի (այսուհետ`Օրենսգիրք), «Հիմնադրամների մասին» Հայաստանի Հանրապետության օրենքի (այսուհետ`Օրենք) և այլ իրավական ակտերի համաձայն...
1.1.1. «Հայաստանում եվրոպական քոլեջ» հիմնադրամը (այսուհետ` Քոլեջ) ոչ առևտրային միջին մասնագիտական կրթական ծրագրեր իրականացնող կազմակերպություն է, որը հիմնադրվել է հիմնադրի 2006թ. փետրվարի 20-ին կայացրած որոշմամբ` Հայաստանի Հանրապետության քաղաքացիական օրենսգրքի (այսուհետ`Օրենսգիրք), «Հիմնադրամների մասին» Հայաստանի Հանրապետության օրենքի (այսուհետ`Օրենք) և այլ իրավական ակտերի համաձայն...
1.1.2.Քոլեջի անվանումն է`
հայերեն լրիվ` «ՀԱՅԱՍՏԱՆՈՒՄ ԵՎՐՈՊԱԿԱՆ ՔՈԼԵՋ» ՀԻՄՆԱԴՐԱՄ
ռուսերեն լրիվ` ФОНД “ЕВРОПЕЙСКИЙ КОЛЛЕДЖ В АРМЕНИИ”
անգլերեն լրիվ` ”EUROPEAN COLLEGE IN ARMENIA” FOUNDATION
ֆրանսերեն լրիվ` LA FONDATION “COLLÈGE EUROPÉEN EN ARMÉNIE”
գերմաներեն լրիվ` “EUROPAKOLLEG IN ARMENIEN” STIFTUNG
1.1.3.Քոլեջի գտնվելու վայրն է (փոստային հասցեն)`
375045, ՀՀ, ք. Երևան, Դավիթ Անհաղթի 10:
1.1.4.Քոլեջի հիմնադիրն է`
«ԵՎՐՈՊԱԿԱՆ ԿՐԹԱԿԱՆ ՏԱՐԱԾԱՇՐՋԱՆԱՅԻՆ ԱԿԱԴԵՄԻԱ» հիմնադրամը (գրանցման համարը` 278.160.03103, վկայական`03Ա 052123, գրանցման օրը` 17.10.2001թ., հասցեն` 375045, ՀՀ, ք. Երևան,Դավիթ Անհաղթի 10, ռեկտոր` Հ. Բիշարյան):
1.2. Քոլեջի հնարավոր շահառուներն են միջին մասնագիտական կրթություն ստանալու ցանկություն ունեցող քաղաքացիները:
1.3. Հիմնադրամը պատասխանատվություն չի կրում իր ստեղծած քոլեջի պարտավորությունների համար: Քոլեջը պատասխանատվություն չի կրում իր հիմնադրի պարտավորությունների համար:
1.4. Քոլեջը կարող է զբաղվել ձեռնարկատիրական գործունեությամբ միայն այն դեպքում, երբ դա ծառայում է այն նպատակների իրականացմանը, որոնց համար ստեղծվել է քոլեջը և համապատասխանում է այդ նպատակներին:
1.5. Քոլեջն անձամբ կարող է զբաղվել ձեռնարկատիրական գործունեության տեսակետներով` օրենքով սահմանված կարգով: Քոլեջը պարտավոր է յուրաքանչյուր տարվա ավարտին հաջորդող 6 ամսվա ընթացքում հաշվետվություն հրապարակել իր գործունեության մասին:
1.5.1. Քոլեջն իրավաբանական անձ է և ստեղծված է համարվում օրենքով սահմանված կարգով պետական գրանցման պահից: Քոլեջն իրավունք ունի օրենքով սահմանված կարգով բացել բանկային հաշիվներ Հայաստանի Հանրապետության և օտարերկրյա պետությունների բանկերում` Հայաստանի Հանրապետության դրամով և (կամ) արտարժույթով: Քոլեջն ունի հայերեն և անգլերեն գրառումներով` իր անվանմամբ կլոր կնիք, դրոշմներ և բլանկներ, ինչպես նաև կարող է ունենալ օրենքով սահմանված կարգով գրանցված ապրանքային, առևտրային և այլ նշաններ ու անհատականացնող այլ ռեկվիզիտներ:
1.5.2. Քոլեջն ինքնուրույն է որոշում իր գործունեության ռազմավարական ծրագրերը:
1.5.3.Քոլեջը` որպես սեփականություն, ունի առանձնացված գույք և իր պարտավորությունների համար պատասխանատու է այդ գույքով, կարող է իր անունից կնքել պայմանագրեր, ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող:
1.5.4. Քոլեջը, իր կանոնադրության համապատասխան, սեփականատիրոջ իրավունքով, իրականացնում է իր ունեցվածքի տնօրինումը, օգտագործումը և տիրապետումը:
1.5.5. Քոլեջը Հայսատանի Հանրապետությունում և նրանից դուրս կարող է ստեղծել մասնաճյուղեր և ներկայացուցչություններ, ինչպես նաև հիմնարկներ, որոնք գործում են քոլեջի անունից` քոլեջի հոգաբարձուների խորհրդի կողմից հաստատված կանոնադրությունների համապատասխան:
1.5.6.Քոլոջը իր պարտավորություններով պատասխանատվություն է կրում այն գույքով, որի վրա օրենքով կարող է բռնագանձում տարածվել:
1.5.7.Հայաստանի Հանրապետությունը և համայնքները պատասխանատվություն չեն կրում քոլեջի պարտավորությունների համար: Քոլեջը պատասխանատվություն չի կրում Հայսատանի Հանրապետության և համայնքների պարտավորությունների համար:
1.5.8.Քոլեջի իրավունքները կարող են սահմանափակվել միայն օրենքով նախատեսված դեպքում և օրենքով սահմանված կարգով: Քոլեջն ունի օրենքով չարգելված բոլոր եղանակներով իր քաղաքացիական իրավունքների ինքնապաշտպանության իրավունք:
2.1.1. Քոլեջի գործունեության հիմնական նպատակներն ու խնդիրներն են.
ա) Հայաստանի Հանրապետությունում ներդնել եվրոպական կրթական համակարգ` կիրառելով եվրոպական զարգացած երկրներում գործող կրթական համակարգերի առաջավոր փորձը, ժամանակակից նորարարական ծրագրերը և եվրոպական չափանիշները,
բ) հասարակական կյանքի տարբեր ոլորտների համար պետական կրթական չափորոշիչներին համապատասխան` կրտսեր մասնագետների պատրաստումը, ազգային և համամարդկային արժեքների ոգով դաստիարակված անձի ու քաղաքացու համակողմանի ձևավորումը,
գ) անհատի մասնագիտական կրթության, նրա հոգևոր և ֆիզիկական պահանջմունքներ բավարարումը,
դ) նախնական մասնագիտական (արհեստագործական), հանրակրթական (հիմնական և լրացուցիչ), միջին մասնագիտական ծրագրերի իրականացումը:
2.2Իր առջև դրված նպատակների արդյունավետ կատարումն ապահովելու համար քոլեջը կարող է իրականացնել ձեռնարկատիրական գործունեության հետևյալ տեսակները`
ա)նախակրթական, հանրակրթական, նախնական մասնագիտական (արհեստագործական), միջին մասնագիտական և լրացուցիչ կրթության կազմակերպումը`
բ) նախապատրաստական դասընթացների կազմակերպումը,
գ) մասնագիտական ուսուցման դասընթացների կազմակերպումը,
դ) կադրերի վերապատրաստումը և վերաորակավորումը,
ե) գիտահետազոտական աշխատանքների իրականացումը,
զ) ուսումնաարտադրական, արտադրական գործունեության և սպասարկման ծառայությունների իրականացումը,
է) հրատարակչական գործունեության իրականացումը,
ը) սովորողների հանրային սննդի կազմակերպումը,
թ) հանրակացարանաբնակ ուսանողների կենցաղի կազմակերպումը և սպասարկումը,
ժ) սովորողների և աշխատողների հանգստի կազմակերպումը,
ժա) մշակութային գործունեության իրականացումը:
2.3.1. Քոլեջը կարող է կազմակերել մասնագետների փոխանակումներ, դասախոսների և ուսանողների ժամկետային գործուղումներ արտասահմանյան համապատասխան քոլեջներում կատարելագործվելու և բարձր որակավորում ստանալու նպատակով:
2.3.2.Գործունեության ընթացքում քոլեջն իրավունք ունի ավելացնել նոր մասնագիտական բաժիններկամ կրճատել գործողները, ինչպես նաև կատարել այլ կառուցվածքային փոփոխություններ` իր հայեցողությամբ:
2.3.3.Օրենքով սահմանված գործունեության առանձին տեսակներով քոլեջը կարող է զբաղվել միայն լիցենզիայի առկայության դեպքում` լիցենզիա ստանալու պահից կամ նրանում նշված ժամկետում: Եթե լիցենզիայի հատկացման պայմաններում նախատեսված է, քոլեջը բացի լիցենզավովող գործունեությունից այլ գործունեությամբ զբաղվել չի կարող, կամ սահմանափակումներ են դրվում գործունեության առանձին տեսակներով զբաղվելու վրա, ապա քոլեջը լիցենզիայի գործողության ժամկետում իրավունք չունի զբաղվել այլ գործունեությամբ, բացառությամբ լիցենզիայով նախատեսվածների կամ այն գործունեություններով, որոնց մասին նշված է լիցենզիայի մեջ:
3.1. Քոլեջի ընդունելությունը կատարվում է իր և ՀՀ կրթության և գիտության նախարարության կողմից տվյալ ուսումնական տարվա համար հաստատված ընդունելության կանոններին համապատասխան:
3.2.Քոլեջում ուսումնական գործընթացը կազմակերպվում է երկու կիսամյակից բաղկացած ուսումնական տարով: Յուրաքանչյուր կիսամյակի վերջում ուսանողները ատեստավորվում են: Քոլեջում կարող են կիրառվել նաև միջանկյալ ատեստավորման ձևեր:
3.3.Քոլեջի ուսումնական գործունեությունը կարգավորվում է ուսումնական պլաններով, առարկայական ծրագրերով, ուսումնական գործընթացի ժամանակացույցով և դասացուցակներով: Քոլեջը մշակում է իր ուսումնական պլանները ու առարկայական ծրագրերը և ներկայացնում տնօրենի հաստատմանը:
3.4.Քոլեջում ուսուցումը կարող է կազմակերպվել առկա, հեռակա և դրսեկության ձևերով:
3.5. Քոլեջը կրթական ծրագրերի առավել արդյունավետ յուրացման նպատակով ուսուցման առաջավոր ձևերի, մեթոդների և միջոցների ընտրությամբ ուսանողների համար ստեղծում է ուսումնառության անհրաժեշտ պայմաններ: Քոլեջի ուսանողների և ունկնդիրների արտադրական պրակտիկան, որպես կանոն, անցկացվում է ձեռնարկություններում և արտադրական կազմակերպություններում` դրանց և հաստատության միջև կնքված պայմանագրերի հիման վրա:
3.6. Քոլեջում ուսումնական պարապմունքներն իրականացվում են խմբերով, ենթախմբերով, հոսքերով, անհատական, հետևյալ հիմնական ձևերով` դաս, դասախոսություն, սեմինար, գործնական աշխատանք, լաբորատոր աշխատանք, ստուգողական աշխատանք, անհատական աշխատանք, ինքնուրույն աշխատանք, խորհրդատվություն, պրակտիկա, կուրսային նախագծում, կուրսային աշխատանք, դիպլոմային նախագծում, դիպլոմային աշխատանք: Քոլեջը կարող է կիրառել ուսումնական պարապմունքների այլ ձևեր. էքսկուրսիա, դերային խաղեր դաս, կոնֆերանս, տնային աշխատանք, պրակտիկում և այլն:
3.7. Լրացուցիչ քոլեջային կրթության ծրագիրն իրականացվում է քոլեջի կողմից հաստատված լրացուցիչ քոլեջային կրթության կանոնակարգին համապատասխան:
3.8. Լսարանային բոլոր ձևերի պարապմունքների տևողությունը սահմանվում է քոլեջի կողմից:
3.9. Քոլեջը սահմանված կարգով կարող է իրականացնել նպատակային գիտափորձ և մանկավարժական ծրագիր, կազմակերպել նախապատրաստական, մասնագետների վերապատրաստման, որակավորման բարձրացման դասընթացներ:
3.10.Քոլեջն իր գործունեությունն իրականացնում է համապատասխան բարձրագույն ուսումնական հաստատությունների, գիտահետազոտական, առևտրային և ոչ առևտրային կազմակերպությունների հետ սերտ համագործակցությամբ` պարբերաբար կազմակերպելով կոնֆերանսներ, գիտաժողովներ, գիտագործնական սեմինարներ, օլիմպիադաներ և այլն:
3.11. Քոլեջը միջոցներ է ձեռնարկում ուսանողների և ունկնդիրների ինքնազարգացման, առողջության պահպանման, բուժկանխարգելիչ միջոցառումների անցկացման, սանիտարահիգիենիկ նորմերի ապահովման և սննդի կազմակերպման համար:
4.1.Քոլեջն իր կանոնադրության նպատակներին համապատասխան իրավունք ունի`
1) նյութապես աջակցել ֆիզիկական և իրավաբանական անձանց` օրենքով սահմանված կարգով.
2) անարգել տարածել տեղեկություններ իր գործունեության մասին.
3) հիմնադրել մամուլի և զանգվածային լրատվության միջոցներ.
4) օրենքով և սույն կանոնադրությամբ սահմանված կարգով կատարել կանոնադրության փոփոխություններ.
5) պետական և տեղական ինքնակառավարման մարմիններից օրենքով սահմանված կարգով ստանալ տեղեկություններ, որորնք անհրաժեշտ են իր կանոնադրական նպատակներն իրականացնելու համար.
6) ստեղծել առանձնացված ստորաբաժանումներ (մասնաճյուղեր,ներկայացուցչություններ) և հիմնարկներ.
7) Երևանում և ՀՀ մարզերում ունենալ ենթակառույցներ` կառուցվածքային ստորաբաժանման կարգավիճակով:
8) ստեղծել տնտեսական ընկերություններ կամ լինել նրանց մասնակից.
9) ֆիզիկական և իրավաբանական անձանց հետ կնքել պայմանագրեր.
10) իրականացնել գիտական հետազոտություններ և ծրագրերի մշակումներ.
11) իրականացնել օրենքով չարգելված այլ գործունեություն:
4.2. Քոլեջը, Հայաստանի Հանրապետության օրենսդությանը և իր կանոնադրությանը համապատասխան, կարող է անդամակցել միջազգային և օտարերկրյա ոչ պետական կազմակերպություններին:
4.3. Քոլեջը պարտավոր է`
1) գործել Հայսատանի Հանրապետության սահմանադրությանը, օրենքին և այլ օրենքներին ու իրավական ակտերին, ինչպես նաև սույն կանոնադրությանը համապատասխան.
2) օրենքով սահմանված կարգով վարել գործավարություն և հաշվապահական հաշվառում.
3) օրենքով նախատեսված դեպքերում և կարգով տեղեկատվություն ու հաշվետվություններ ներկայացնել պետական մարմիններին.
4) իրականացնել օրենքով և այլ օրենքներով սահմանված այլ պարտականություններ:
4.4.Սույն կանոնադրության 8.5-րդ կետի <<ա>> և <<բ>> ենթակետերում նշված անձանց, իրավատու պետական մարմինների պահանջով Քոլեջը պարտավոր է հնգօրյա ժամկետում նրանց ընձեռել կանոնադրության լրացումների և փոփոխությունների հետ ծանոթանալու հնարավորություն: Քոլեջը պարտավոր է այդ անձանց պահանջով տրամադրել նրան կանոնադրության պատճենը: Վճարը, որը գանձվում է կանոնադրության պատճենը տրամադրելու համար, չի կարող դրա պատրաստման ծախսերից ավելի մեծ լինել: Իրավասու պետական մարմիններին նշված փաստաթղթերը տրամադրվում են անվճար:
4.5.Անօրինական գործունեություն ծավալելու համար քոլեջը և նրա պաշտոնատար անձինք կրում են օրենքով սահմանված պատասխանատվություն:
4.6.Քոլեջին օգնություն ցուցաբերող անձինք (այդ թվում` քոլեջի հիմնադիրը) իրավունք ունեն.
ա) մասնակցել Քոլեջի գործունեության բոլոր ուղղություններին,
բ) Քոլեջի կառավարման մարմինների կողմից, ինչպես նաև կնքված պայմանագրերով սահմանված պայմաններով քոլեջի խնդիրներին ու նպատակներին համապատասխան ստանալ, խորհրդատվական, փորձագիտական, միջնորդական, գիտատեխնիկական և այլ օգնություն,
գ) Քոլեջի միջոցով ստեղծել և զարգացնել երկկողմ և բազմակողմ կապեր,
դ) Քոլեջի կողմից նրա իրավունքների, իրավական և տնտեսական հնարավորությունների շրջանակներում օգտվել սեփական շահերի պաշտպանությունից,
ե) ցանկացած ժամանակ դադարեցնել իրենց մասնակցությունը Քոլեջի աշխատանքներին:
4.7. Քոլեջը վարում է իր գործունեությանը աջակցող անձանց ռեստր:
4.8.Քոլեջին աջակցող անձինք պարտավոր են.
ա) Քոլեջի ծրագրերի և միջոցառումների իրականացման ժամանակ գործել Քոլեջի կանոնադրության պահանջներին խիստ համապատասխան,
բ) չտարածել Քոլեջի գործունեության մասին գաղտնի տեղեկություններ,
գ) զերծ մնալ այնպիսի գործողություններից, որոնք կարող են վնաս պատճառել Քոլեջին:
5.1. Քոլեջի կառավարման մարմիններն են`
Քոլեջի հոգաբարձուների խորհուրդը (այսուհետ` Խորհուրդ),
Քոլեջի տնօրենը (այսուհետ` տնօրեն):
5.2. Քոլեջի կառավարման բարձրագույն և հսկողություն իրականացնող մարմինը Քոլեջի Խորհուրդն է: Քոլեջի Խորհուրդը բաղկացած է 6 անդամներից և Հիմնադրամ պահին ձևավորվում է հիմնադրի կողմից: Հետագայում Խորհրդի կազմի փոփոխությունները կատարվում են Օրենքով սահմանված կարգով:
Քոլեջի Խորհրդի անդամ կարող են լինել 18 տարին լրացած գործունակ ֆիզկական անձինք:
Խորհրդի անդամների լիազորությունների ժամկետը չի սահմանափակվում:
Խորհրդի անդամի լիազորությունը դադարում է.
1) նրա գրավոր դիմումի հիման վրա.
2) նրա կողմից իր պարտականությունները պատշաճ չկատարելու դեպքում, խորհրդի մնացած անդամների ձայները առնվազն 3/4-ով. Խորհրդի անդամները չեն կարող լինել Քոլեջի այլ մարմնի անդամ:
5.3. Քոլեջի Խորհրդի իրավասությանն են պատկանում`
1) Քոլեջի ռազմավարական ծրագրի(ծրագրերի) հաստատումը.
2) Քոլեջի բյուջեի և նրափոփոխությունների, տարեկան ֆինանսական հաշվետվությունների և Քոլեջի գործունեության տարեկան հաշվետվությունների հաստատումը.
3) Քոլեջի գույքի տնօրինման կարգի հաստատումը.
4) Քոլեջի վերակազմակերպման մասին որոշման ընդունումը.
5) Քոլեջի հոգաբարձուների խորհրդի նոր անդամների ընտրությունը և Քոլեջի հոգաբաձուների խորհրդի անդամների լիազորությունների վաղաժամկետ դադարեցման մասին որոշումների ընդունումը.
6) հոգաբարձուների խորհրդի նախագահի, Քոլեջի տնօրենի և կանոնադրությամբ սահմանված այլ մարմինների ընտրության և նրանց լիազորությունների վաղաժամկետ դադարման մասին որոշումների ընդունումը.
7) Քոլեջի` կանոնադրությամբ նախատեսված այլ մարմինների ձևավորումը.
8) Քոլեջի կանոնադրության մեջ փոփոխություններ և լրացումներ կատարելու, նոր խմբագրությամբ կանոնադրություն հաստատելու մասին որոշումների ընդունումը.
9) տնտեսական ընկերությունների ստեղծման կամ դրանցում մասնակցության, ինչպես նաև առանձնացված ստորաբաժանումների և հիմնարկների ստեղծման և դրանց կանոնադրությունների հաստատման մասին որոշումների ընդունումը.
10) Քոլեջի ֆինանսատնտեսական գործունեության վերահսկումը.
11) կանոնադրությամբ սահմանված պարբերականությամբ Քոլեջի տնօրենի հաշվետվությունների լսումը.
12) իր որոշումների կատարման ընթացքի վերահսկումը.
13) Քոլեջի աուդիտ իրականացնող անձի (աուդիտորի) ընտրությունը.
14) Քոլեջի կառավարման մարմիններում ընդգրկված անձանց աշխատանքի վարձատրության մասին որոշումների ընդունումը,
15) Քոլեջի հաստիքացուցակի և կառուցվածքի հաստատումը,
16) Օրենքով, սույն կանոնդրությամբ նախատեսված, ինչպես նաև Քոլեջի այլ մարմինների չվերապահված այլ լիազորությունների իրականացումը:
Քոլեջի Խորհրդի նիստերում Խորհրդի յուրաքանչյուր անդամ ունի մեկ ձայնի իրավունք:
Քոլեջի Խորհրդի նիստն իրավազոր է, եթե դրան մասնակցում են Խորհրդի անդամների կեսից ավելին: Քոլեջի Խորհրդի որոշումներն ընդունվում են նիստին մասնակցող անդամների ձայների մեծամասնությամբ:
Քոլեջի Խորհրդի նախագահի, Քոլեջի տնօրենի ընտրության և պաշտոնից ազատման, ինչպես նաև Քոլեջի վերակազմակերպման, լուծարման և կանոնադրության մեջ փոփոխություններ ու լրացումներ կատարելու (նոր խմբագրությամբ կանոնադրության հաստատում) որոշումներն ընդունվում են Խորհրդի անդամների ընդհանուր թվի ձայների մեծամասնությամբ
Եթե Քոլեջի Խորհրդի նիստում քննարկվում է Քոլեջի Խորհրդի որևէ անդամի կամ նրա հետ փոխկապակցված անձի (ծնող, ամուսին, զավակ, եղբայր, քույր, ամուսնու ծնող, զավակ, եղբայր և քույր) գույքային կամ այլ շահերի վերաբերյալ հարց, ապա Քոլեջի Խորհրդի տվյալ անդամը քվեարկությանը չի մասնակցում:
5.4. Քոլեջի Խորհրդի նախագահին ընտրում են Խորհրդի անդամները` Օրենքով և սույն կանոնադրությամբ սամանված կարգով:
5.5. Խորհրդի նախագահը`
1) կազմակերպում է Քոլեջի Խորհրդի աշխատանքները.
2) գումարում է Քոլեջի Խորհրդի նիստերը և նախագահում է դրանք./p>
3) կազմակերպում է նիստերի արձանագրության վարումը:
5.6. Քոլեջի Խորհրդի նախագահի բացակայության դեխքում նրա պարտականությունները, Քոլեջի Խորհրդի որոշմամբ, կատարում է անդամներից մեկը:
5.7. Քոլեջի Խորհրդի նիստերը գումարվում են ոչ պակաս, քան տարին մեկ անգամ` Քոլեջի Խորհրդի նախագահի կողից: Քոլեջի Խորհրդի նիստերը կարող են հրավիրվել նաև Քոլեջի Խորհրդի անդամների 1/3-ի պահանջով` Քոլեջի Խորհրդի նախագահի կողմից` համապատասխան պահանջը ներկայացնելուց 30 օրվա ընթացքում: Քոլեջի Խորհրդի նիստերը կարող են անցկացվել էլեկտրոնային փոստի կամ կապի այլ միջոցների կիրառմամբ:
Եթե նշված ժամկետում Քոլեջի Խորհրդի նախագահը նիստ չի հրավիրում, ապա նիստը կարող են հրավիրել նման պահանջ ներկայացրած անձինք:
5.8. Քոլեջի ընթացիկ գործունեության ղեկավարումն իրականացնում է Քոլեջի տնօրենը:
5.9. Քոլեջի տնօրենի իրավասությանն են պատկանում Քոլեջի ընթացիկ գործունեության կառավարման բոլոր հարցերը, բացառությամբ Օրենքով և սույն կանոնադրությամբ Քոլեջի Խորհրդի իրավասություն հանդիսացող հարցերի:
Քոլեջի տնօրենը կազմակերպում է Քոլեջի Խորհրդի որոշումների կատարումը:
Տնօրենը ընդունվում և պաշտոնից ազատվում է Քոլեջի Խորհրդի կողմից: Տնօրենի պաշտոնում առաջին անգամ նշանակում կարող է կատարել նաև հիմնադիրը:
Քոլեջի տնօրենի իրավունքներն ու պարտականությունները սահմանվում են Օրենքով, սույն կանոնադրությամբ և նրա հետ կնքված պայմանագրով: Քոլեջի անունից պայմանագիրը ստորագրում է Քոլեջի Խորհրդի նախագահը կամ Քոլեջի կողմից լիազորված այլ անձ:
5.10. Քոլեջի տնօրենը`
1) տնօրինում է Քոլեջի գույքը, այդ թվում` ֆինանսական միջոցները, գործարքներ է կնքում Քոլեջի անունից.
2) ներկայացնում է Քոլեջը Հայաստանի Հանրապետությունում և օտրերկրյա պետություններում.
3) գործում է առանց լիազորագրի.
4) տալիս է լիազորագրեր.
5) սահմանված կարգով կնքում է պայմանագրեր, այդ թվում` աշխատանքային.
6) բանկերում բացում է Քոլեջի հաշվարկային (այդ թվում` արտարժութային) և այլն հաշիվներ.
7) Քոլեջի Խորհրդի հաստատման է ներկայացնում Քոլեջի աշխատանքային ներքին կանոնակարգը, առանձնացված ստորաբաժանումների, հիմնարկների Քոլեջի վարչակազմակերպական կառուցվածքը, հաստիքացուցակը.
8) իր իրավասության սահմաններում արձակում է հրամաններ, հրահանգներ, տալիս է կատարման համար պարտադիր ցուցումներ և վերահսկում դրանց կատարումը.
9) սահմանված կարգով աշխատանքի է ընդունում և աշխատանքից ազատում Քոլեջի աշխատակիցներին.
10) աշխատակիցների նկատմամբ կիրառել խրախուսման և կարգապահական պատասխանատվության միջոցներ:
5.11. Քոլեջի տնօրենը չի կարող զբաղեցներ այլ պաշտոն կամ կատարել վճարովի այլ աշխատանք, բացի գիտական, մանկավարժական և ստեղծագործական աշխատանքից:
5.12. Քոլեջի Խորհուրդն իրավունք ունի ցանկացած ժամանակ լուծել տնօրենի հետ կնքած պայմանագիրը` Օրենքով, սույն կանոնադրությամբ և տվյալ պայմանագրով սահմանված կարգով:
5.13. Քոլեջի ուսումնամանկավարժական աշխատանքները կազմակերպում է մանկավարժական խորհուրդը, որի կազմը հաստատվում է Խորհրդի նախագահի կողմից:
5.14. Քոլեջի Օրենքով և այլ իրավական ակտերով սահմանված կարգով վարում և ներկայացնում է հաշվապահական և վիճակագրական հաշվետվություն:
5.15. Քոլեջը պետական, սոցիալական, տնտեսական և հարկային քաղաքականության իրականացման նպատակով պատասխանատվություն է կրում փաստաթղթերի (կառավարչական, ֆինանսատնտեսական, աշխատակազմի մասին և այլն) պահպանման համար: Քոլեջի օրենքով սահմանված կարգով ապահովում է անհրաժեշտ փաստաթղթերի հանձնումը պետական արխիվային մարմիններին:
6.1. Քոլեջի աշխատակազմի անդամները իրավունք ունեն`
ա) օրենքով և սույն կանոնադրությամբ սահմանված կարգով մասնակցել քոլեջի կառավարմանը,
բ) պետական կրթական ընդհանուր չափորոշիչի շրջանակներում ընտրել և օգտագործել կրթական գործընթացն ապահովելու համար անհրաժեշտ ուսուցման ու դաստիարակության մեթոդներ,ուսումնական ձեռնարկներ և նյութեր, գիտելիքների գնահատման մեթոդներ (մանկավարժական աշխատակազմը),
գ) սահմանված կարգով օգտվել քոլեջի տեղեկատվական ֆոնդերից, ուսումնական, գիտական, սոցիալ-կենցաղային, բուժական և այլ ծառայություններից, տեխնիկական հնարավորություններից,
դ) Հայսատանի Հանրապետության օրենսդրությամբ սահմանված կարգով բողոքարկել քոլեջի կառավարման մարմինների որոշումները,
ե) Հայսատանի Հանրապետության օրենսդրությամբ, աշխատանքային պայմանագրով և Քոլեջի կանոնադրությամբ նախատեսված այլ իրավունքներ:
6.2. Քոլեջի աշխատողը պարտավոր է`
ա) կատարել քոլեջի կանոնադրության պահանջները և պահպանել ներքին կարգապահության կանոնները,
բ) բարեխղճորեն կատարել իր աշխատանքային պարտականությունները.
գ) ապահովել իր գործունեության պատշաճ մասնագիտական մակարդակը:
6.3.Քոլեջի թափուր մանկավարժական պաշտոններում (նաև առարկայական մասնագետների) նշանակումները կարող են կատարվել մրցութային կարգով:
6.4.Քոլեջի մանկավարժները և այլ աշխատողները իրենց մասնագիտական գիտելիքների ու հմտությունների կատարելագործման նպատակով սահմանված կարգով պարբերաբար վերապատրաստվում են:
Տնօրենը պատասխանատվություն է կրում մանկավարժների և այլ աշխատողների մասնագիտական որակավորման բարձրացման համար:
7.1. Քոլեջի ուսանողը միջին մասնագիտական և լրացուցիչ կրթության կրթական ծրագրեր յուրացնող անձ է:
7.2. Քոլեջի ունկնդիրը նախապատրաստական դասընթացներում, մասնագետների որակավորման բարձրացման և վերապատրաստման բաժանմունքում սովորելու համար ընդունված տնօրենի հրամանով անձ է: ՈՒնկնդիրը կրթական ծառայություններ ստանալու մասով օգտվում է ուսանողի իրավունքից:
7.3. Քոլեջի ուսանողի իրավունքներն ու պարտականություններն ամրագրված են քոլեջի կանոնադրությամբ, ներքին կարգապահության կանոններով:
7.4. Քոլեջի ուսանողն իրավունք ունի`
ա) մասնակցել ուսանողական ինքնակառավարման մարմինների ,խմբերի, ակումբների ստեղծմանը և դրանց աշխատանքներին,
բ) անվճար օգտվել քոլեջի գրադարանից, տեխնիկական միջոցներից և այլ հնարավորություններից,
գ) մասնակցել քոլեջի գիտահետազոտական, նախագծային աշխատանքների կատարմանը,
դ) մասնակցել քոլեջի կարևորագույն հարցերի քննարկմանն ու լուծմանը:
7.5. Քոլեջի ուսանողը պարտավոր է`
ա) կատարել քոլեջի կանոնադրության պահանջները և պահպանել ներքին կարգապահության կանոնները,
բ) խնամքով վերաբերվել քոլեջի գույքին,
գ) հարգել աշխատողների և ուսանողների իրավունքներն ու արժանապատվությունը,
դ) սահմանված կարգով վճարել ուսման վարձը,
ե) կատարել միջին մասնագիտական և լրացուցիչ քոլեջային կրթության ծրագրերի պահանջները:
7.6. ՈՒսանողների համար քոլեջի կոմից սահմանվում են նյութական և բարոյական խրախուսման ձևեր:
7.7. ՈՒսումնական պլանների և առարկայական ծրագրերի պահանջները չկատարելու, սույն կանոնադրությամբ նախատեսված պարտականությունները, ներքին կարգապահական կանոնները խախտելու համար ուսանողների նկատմամբ կարող են կիրառվել կարգապահական ներգործության միջոցներ` այդ թվում Քոլեջից հեռացում:
8.1. Քոլեջը` որպես սեփականություն, ունի առանձնացված գույք և իր պարտավորությունների համար պատասխանատու է այդ գույքով:
8.2. Քոլեջի ստեղծման պահին հիմնադիրների կողմից որպես սկզբնական գույք ներդրվում է 50.000 (հիսուն հազար) դրամ:
8.3.Հիմնադրի կողմից Քոլեջին հանձնած գույքը Քոլեջի սեփականությունն է: Քոլեջն այդ գույքն օգտագործում է իր կանոնադրությամբ սահմանված նպատակով:
8.4.Քոլեջի հիմնադրի և այլ ֆիզիկական և իրավաբանական անձանց, ինչպես նաև սփյուռքի հայերից` ներդրումները (նվիրաբերությունները, նվիրատվությունները և այլն) կարող են կատարվել ինչպես դրամական և գույքային տեսքով (այդ թվում` սարքավորումներ, շենքեր, շինություններ, մտավոր սեփականության նկատմամբ իրավունքներ), այնպես էլ գույքի նկատմամբ օգտագործման իրավունքի տեսքով: Այս դեպքում կատարվում է ներդրվող գույքի կամ օգտագործման իրավունքի դրամական գնահատում, որի մեծությունը նշվում է համապատասխան անձի (ներդրողի) ու Քոլեջի միջև կնքվող պայմանագրում:
8.5.Քոլեջի գույքի և միջոցների ձևավորման աղբյուր կարող են լինել`
ա) հիմնադրի ներդրումները.
բ) ֆիզիկական և իրավաբանական անձանց, ինչպես նաև սփյուռքի հայերի նվիրատվությունները և նվիրաբերությունները, այդ թվում` օտարերկրյա քաղաքացիների, իրավաբանական անձանց, միջազգային կազմակերպությունների նվիրատվությունները և նվիրաբերությունները.
գ) դրամական մուտքերը պետական բյուջեից.
դ) դրամաշնորհները.
ե) Քոլեջի և իր ստեղծած կամ իր մասնակցությամբ տնտեսական ընկերությունների ձեռնարկատիրական գործունեությունից ստացված միջոցները.
զ) հանգանակությունները` միջոցներ, որոնք ստացվում են դրանց կուտակմանն ուղղված գործունեությունից (մշակութային, սպորտային, զվարճալի և այլ միջոցառումների միջոցով գումարների հայթայթում),
է) օրենքով չարգելված այլ միջոցները:
8.6.Քոլեջի սեփականությունն է համարվում իր կողմից ստեղծված, ձեռքբերված կամ այլ քաղաքացիների, կազմակերպությունների կողմից հանձնված ունեցվածքը, ներառյալ` դրամական միջոցները, բաժնետոմսերը, այլ արժեթղթերը և մտավոր սեփականության նկատմամբ իրավունքները:
8.7. Քոլեջի ամբողջ ունեցվածքը, տնտեսական գործունեությունից ստացված եկամուտները համարվում են նրա սեփականությունը և չեն կարող որպես շահույթ հատկացվել Քոլեջի հիմնադրին: Քոլեջը իրականացնում է իր ունեցվածքի տնօրինումը, օգտագործումը և տիրապետումը միայն այդ գույքի նշանակությանը համապատասխան և միայն Քոլեջի կանոնադրական խնդիրների և նպատակների իրականացման համար:
8.8. Պետական բյուջեի միջոցները կարող են ուղղվել Քոլեջի կողմից իրականացվող գործունեության աջակցմանը միայն մրցութային սկզբունքով և միայն այն դեպքում,եթե Քոլեջի գործունեության ծրագիրը սահմանված կարգով որակված է հանրօգուտ կամ վարչակառավարչական ծախսերի իրականացմանը:
8.9. Քոլեջի սեփականությունը չի կարող օգտագործվել ի շահ իր հիմնադիրների, Քոլեջի մարմինների անդամների, ինչպես նաև Քոլեջի աշխատողների, բացառությամբ աշխատողների աշխատավարձի և Քոլեջի մարմինների անդամների պարտականությունների կատարմամբ պայմանավորված` փոխհատուցման ենթակա ծախսերի: Իրավաբանական կամ ֆիզիկական անձանց կողմից որոշակի նպատակներով Քոլեջին տրված նվիրաբերությունը կարող է օգտագործվել այլ նպատակներով, միայն նվիրաբերողի համաձայնությամբ: Հանգանակությունից ստացված միջոցները կարող են ծախսվել միայն այն նպատակով, որը հայտարարվել էր նախապես:
8.10.Քոլեջի ծախսերն են`
ա) կանոնադրական նպատակների իրականացմանն ուղղված ծախսերը.
բ) վարչակառավարչական ծախսերը:
8.11. Կանոնադրական նպատակների իրականացմանն ուղղված ծախսերը Քոլեջի բյուջեում պետք է արտահայտված լինեն առանձին` ըստ նպատակների (ծրագրերի) և օգտագործման եղանակների և (կամ) սուբյեկտների, որոնց միջև բաշխելու են միջոցները: Այդ ծախսերում ներառվում են նաև Քոլեջի գույքի պահպանման, ավելացման և վերանորոգման, ինչպես նաև կապի, կոմունալ-կենցաղային, էլեկտրաէներգիայի, շինարարության ծախսերը:
8.12.Վարչակառավարչական ծախսերն իրենց մեջ ներառում են Քոլեջի կառավարման, Քոլեջի աշխատողների աշխատավարձի, ինչպես նաև Քոլեջի մարմինների անդամների պարտականությունների կատարմամբ պայմանավորված` փոխհատուցման ենթակա ծախսերը և կազմում են Քոլեջի տարեկան ընդհանուր ծախսերի 20 տոկոսը:
9.1.Քոլեջը` որպես հիմնադրամ կարող է վերակազմակերպվել միայն հիմնադրամի միացման և միաձուլման ձևով:
9.2. Հիմնադրամների միաձուլում է համարվում նոր հիմնադրամի ստեղծումը` նրան երկու կամ ավելի միաձուլվող հիմնադրամների իրավունքների և պարտականությունների փոխանցմամբ և միաձուլվող հիմնադրամների դադարմամբ:
9.3. Հիմնադրամների միացում համարվում մեկ կամ մի քանի հիմնադրամների գործունեության դադարումը` դրանց իրավունքների և պարտականությունների փոխանցմամբ այլ հիմնադրամի:
9.4. Հիմնադրամի վերակազմակերպումը կատարվում է հոգաբարձուների խորհրդի որոշմամբ:
9.5. Հիմնադրամի այլ վերակազմակերպումներ չեն թույլատրվում:
9.6. Լուծարումը Հիմնադրամի գործունեության դադարումն է` առանց նրա իրավունքների և պարտականությունների իրավահաջորդության կարգով այլ անձանց անցնելու:
9.7. Հիմնադրամը լուծարելու մասին որոշում կարող է ընդունել միայն դատարանը` շահագրգիռ անձանց դիմումով:
9.8. Հիմնադրամը կարող է լուծարվել եթե`
ա) Հիմնադրամի գուկքը բավարար չէ նրա գործունեության իրականացման համար և անհրաժեշտ գույք ստանալու հնարավորությունն իրական չէ.
բ) իր գործունեությամբ Հիմնադրամը շեղվել է կանոնադրությամբ նախատեսված նպատակներից.
գ) հնարավոր չէ հասնել Հիմնադրամի նպատակներին և հնարավոր չէ կատարել այդ նպատակների փոփոխություն.
դ) Հիմնադրամի գործունեությունը վտանգում է պետական և հասարակական անվտնգությունը, հասարակական կարգը, հանրության առողջությունն ու բարքերը, այլոց իրավունքներն ու ազատությունները.
ե) Հիմնադրամը թույլ է տվել օրենքի բազմակի կամ կոպիտ խախտումներ կամ պարբերաբար իրականացրել է իր կանոնադրական նպատակներին հակասող գործունեություն.
զ) Հիմնադրամն ստեղծելիս հիմնադիրը թույլ է տվել օրենքի էական խախտումներ կամ կեղծիքներ:
9.9.Հիմնադրամի լուծարումն իրականացվում է օրենքով սահմանված կարգով:
9.10. Հիմնադրամի լուծարմամբ պայմանավորված արտատերերի պահանջները բավարարելուց հետո, ինչպես նաև այն դեպքում, երբ լուծարման միջանկյալ հաշվեկշիռը հաստատելու պահին Հիմնադրամի մնացած գույքն ուղղվում է սույն կանոնադրությամբ նախատեսված նպատակներին, իսկ դրա անհնարինության դեպքում փոխանցվում է պետական բյուջե:
9.11. Հիմնադրամի լուծարումը համարվում է ավարտված, իսկ նրա գործունեությունը դադարած` պետական գրանցման պահից:
Ես Խաչատրյան Վահեն եմ, 16 տարեկան, Ծրագրավորում երկրորդ կուրսից։ Ծնվել եմ Դեկտեմբերի 23-ին։ Ամբողջ սրտով սիրում եմ ծրագրավորումը և ուզում եմ դառնալ ծրագրավորող։ Հաճախում եմ Թումո։ Ամենասիրածս ուտելիքը պիցցան է։ Իմ նախընտրելի եղանակը ձմեռն է։ Այս կայքը ստեղծել եմ հատուկ ձեզ համար ;)
Ես Ամսեյան Երվանդն եմ, 17 տարեկան, Ծրագրավորում երկրորդ կուրսից։ Ծնվել եմ Հունվարի 13-ին։ Ամբողջ սրտով սիրում եմ ծրագրավորումը և փորձում եմ սովորել այն։ Ամենասիրածս ուտելիքը պիցցան է։ Իմ նախընտրելի եղանակը ձմեռն է։ Այս կայքը թարգմանել եմ հատուկ ձեզ համար ;)
Ես Մուսայելյան Մանեն եմ, 16 տարեկան, Ծրագրավորում երկրորդ կուրսից։ Ծնվել եմ Հունիսի 3-ին։ Ամբողջ սրտով սիրում եմ ծրագրավորումը և ուզում եմ դառնալ ծրագրավորող։ Հաճախում եմ Թումո։ Իմ նախընտրելի եղանակը ամառն է։ Այս կայքը թարգմանել եմ հատուկ ձեզ համար ;)
Ես Ալլոյան Ալլան եմ, 16 տարեկան, Ծրագրավորում երկրորդ կուրսից։ Ծնվել եմ Փետրվարի 12-ին։ Ամբողջ սրտով սիրում եմ ծրագրավորումը և ուզում եմ դառնալ ծրագրավորող։ Հաճախում եմ Թումո։ Իմ նախընտրելի եղանակը ձմեռն է։ Այս կայքը թարգմանել եմ հատուկ ձեզ համար ;)